دنیا بھر میں کورونا وائرس کیسز اور اموات میں اضافہ

دنیا بھر میں کورونا وائرس کے کیسز اور اس سے ہونے والی اموات میں اضافہ ہونے لگا۔

غیر ملکی میڈیا کے مطابق عالمی ادارہ صحت نے گزشتہ ہفتے دنیا بھر میں کورونا وائرس کے کیسز اور اس سے ہونے والی اموات میں اضافہ ہونے پر تشویش کا اظہار کیا تھا۔

عالمی ادارہ صحت کے مطابق دنیا بھر میں کورونا وائرس سے ہر ہفتے 1700 اموات رپورٹ ہورہی ہیں

یہ بھی پڑھیے: امریکی صدر جوبائیڈن کورونا میں مبتلا، سیاسی سرگرمیاں روک دیں

امریکی صدر جوبائیڈ کورونا میں مبتلا

واضح رہے کہ گزشتہ دنوں امریکی صدر جوبائیڈن بھی کورونا میں مبتلا ہوئے ہیں جس کی وجہ سے انہوں نے تمام سیاسی سرگرمیاں روک دی ہیں۔

وائٹ ہاؤس کے مطابق امریکی صدر جوبائیڈن کو کورونا کی معمولی علامات ہیں اور انہیں کورونا ویکسین لگادی گئی ہے۔ خود ساختہ آئسولیشن میں جوبائیڈن اپنے فرائض انجام دیتے رہیں گے۔

امریکی صدر لاس ویگاس میں انتخابی مہم پر تھے جس دوران اعلان کیا گیا کہ ان کا کورونا ٹیسٹ مثبت آیا ہے۔ اسی وجہ سے وہ خطاب بھی نہ کرسکے۔

جوبائیڈن کے کورونا میں مبتلا ہونے کی خبروں نے سیاسی ماحول کو ایک نئی جہت دی ہے۔ ان کے مخالفین اور حمایتی دونوں نے ان کی صحت کے حوالے سے تشویش کا اظہار کیا ہے۔

یہ بھی پڑھیے: امریکی صدر جوبائیڈن نے ملک کی سپریم کورٹ میں بڑی تبدیلیاں کرنے کا منصوبہ بنالیا

امریکی صدر جوبائیڈن کی کورونا سے متاثر ہونے کی خبر نے ان کے انتخابی مہم پر بھی اثر ڈالا ہے، جو کہ آنے والے انتخابات کی تیاری کے حوالے سے اہم تھی۔

جو بائیڈن نے کورونا میں مبتلا ہونے کے باوجود اپنی ذمہ داریوں کو جاری رکھنے کا عزم ظاہر کیا ہے۔ اُن کی عمر اور صحت کے حوالے سے سوالات پہلے سے ہی سیاسی میدان میں موضوع بحث بنے ہوئے تھے۔

ان کے کورونا میں مبتلا ہونے کی خبر نے ان سوالات کو مزید تقویت دے دی ہے۔ مخالفین نے اس موقع کو استعمال کرتے ہوئے جوبائیڈن کی صحت اور ان کی صلاحیتوں پر سوال اٹھا رہے ہیں۔