پربھاس کی کالکی نے شاہ رخ خان کی جوان کو پیچھے چھوڑ دیا

پربھاس کی فلم کالکی نے کمائی میں شاہ رخ خان کی فلم جوان کو پیچھے چھوڑ دیا ہے۔

بھارتی میڈیا کے مطابق جنوبی بھارت سے تعلق رکھنے والے اداکار پربھاس کی فلم کالکی 2898 اے ڈی بھارت کی چوتھی سب سے زیادہ کمائی کرنے والی فلم بن گئی ہے، جس نے شاہ رخ خان کی فلم جوان کو بھی پیچھے چھوڑ دیا۔

کالکی 2898 اے ڈی اس وقت 867 کروڑ سے زائد کا بزنس کر چکی ہے، جبکہ شاہ رخ خان کی فلم جوان نے بھارت میں مجموعی طور پر 761 کروڑ کا بزنس کیا تھا۔

یہ بھی پڑھیے: سجل علی ’باہو بلی‘ کے ہیرو پربھاس کے ساتھ فلم میں نظر آئیں گی

واضح رہے کہ بھارت کی سب سے زیادہ کمائی کرنے والی فلم پربھاس کی ہی باہوبلی 2 تھی جس نے مجموعی طور پر ایک ہزار 417 کروڑ کا بزنس کیا تھا۔

زیادہ کمائی کرنے والی فلموں کی فہرست میں کے جی ایف چیپٹر ٹو 1001 کروڑ کے ساتھ دوسرے نمبر پر، جبکہ ایک اور جنوبی بھارتی فلم آر آر آر 916 کروڑ کے ساتھ تیسرے نمبر پر ہے۔

یاد رہے کہ بھارت سمیت دنیا بھر میں سب سے زیادہ کمائی کرنے والی فلم عامر خان کی دنگل ہے جس نے مجموعی طور پر 2023 کروڑ سے زائد کا بزنس کیا تھا۔